Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौं । तनहुँ भानु नगरपालिकाले स्थानीय घरेलु मदिरालाई ब्रान्डिङ गर्ने भएको छ ।
नगरपालिकाले आइतबार बसेको नगरसभाबाट मदिराजन्य पेय पदार्थको व्यवस्थापन गर्न बनेको ऐन २०८१ पारित गरि घरेलु मदिरालाई ब्रान्डिङ गर्न लागेको हो ।
स्थानीयस्तरमा उत्पाद हुने कोदोलगगायत फलफुलको मदिरालाई गुणस्तर मापन गरी ब्रान्डिङ गर्नेगरी ऐन पारित गरिएको नगरपालिका प्रमुख आनन्दराज त्रिपाठीले जानकारी दिए ।
उनका अनुसार ऐन पारित भएसँगै नियमावली र कार्यविधि बनाएर तीव्र गतिमा अगाडि बढाउने तयारी छ । अहिले गाउँघरमा घरेलु मदिराका भट्टी चलिरहेका छन् ।
'गाउँका भट्टीहरूलाई वैधानिक रूपमा दर्ता गरी कानुनी दायरामा ल्याई साना उद्योगका रूपमा सञ्चालन गर्छौं,' उनले भने, 'पालिकाभित्र जनजाति बस्ती धेरै भएकाले जन्मदेखि मृत्युसम्म मदिरा चल्छ ।'
यसरी अगाडि बढ्दा लुकिछिपी मदिरा बिक्रीवितरणमा कमी आउने नगरपालिकाको अपेक्षा छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
