Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । मकवानपुरको हेटौँडाबाट आठ किलोभन्दा धेरै सुनसहित दुई जना भारतीय नागरिक पक्राउ परेका छन् ।
चालक २५ वर्षिय अभिषेक अजिनाथ कुटी र स्कुटरको पछाडि रहेका २७ वर्षिय राहुल भिट्टिहाललाई पक्राउ परेका जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले जानकारी दिनुभयो ।
उहाँले उनीहरुले शरीर तथा स्कुटर खानतलासी गर्दा भन्सार छलिको सुन ल्याएको पाइएको बताउनुभयो । बजार भाउअनुसार बरामद सुनको भाउ ११ करोड ४३ लाख रुपैयाँ भन्दा धेरै पर्ने उहाँले बताउनुभयो ।
सुनसहित अजिनाथ कुटी र राहुल भिट्टिहाललाई थप अनुसन्धान तथा कारबाहीको लागी राजश्व अनुसन्धान कार्यालय पथलैया बारा पठाउने तयारी भइरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
