Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । शिक्षा सेवा आयोगकी सदस्य नन्दकुमारी महर्जनले देशको माटो सुहाउँदो शिक्षा नीति आवश्यक भएको बताइन् ।
विद्यार्थी उच्च शिक्षाका लागि विदेशमा गएर नफर्किने भएकाले देशको विकास र समृद्धि सोहीअनुसार हासिल गर्न नसकेको बताउँदै उनले सो कुरा बताइन् ।
कीर्तिपुरस्थित उज्ज्वल शिशु निकेतन एकेडेमीको एसइई दीक्षान्त तथा बिदाइ कार्यक्रममा उनले उच्च शिक्षा लिएर स्वदेशमा आएर नेपाली समाज र देशको विकास र प्रगतिमा हातेमालो गर्न आह्वान गरिन ।
विद्यालय व्यवस्थापन समितिका अध्यक्ष प्रा.डा. शिवशरण महर्जनले रोजगारीको नाममा बिदेसिएका विद्यार्थीले भोग्नुपरेका समस्या र दक्ष मानवशक्ति स्वदेशमा कम हुँदा विकास निर्माण ढिलासुस्ती हुँदा नेपाल विकासमा पछि परेको बताए ।
गोरखापत्र संस्थानका सल्लाहकार सम्पादक उपेश महर्जनले ‘लर्न एण्ड अर्न’ मा लाग्न विद्यार्थीलाई आग्रह गरे । कार्यक्रममा दीक्षित विद्यार्थी सुविधा अधिकारी र कक्षा १० का छात्रा जोली नकर्मीले नेपाली शिक्षा पनि उत्कृष्ट रहेको बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
