Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । सानो ठिमीस्थित पाठ्यक्रम विकास केन्द्रले समकक्षता शाखामा कार्यरत कर्मचारीलाई जिम्मेवारीबाट हटाएको छ ।
सर्टिफिकेट इक्युभ्यालेन्ट गर्दा बिचौलिया प्रयोग गरेर घुस लिएको प्रश्न उठेपछि केन्द्रले सो शाखामा कार्यरत एक अधिकृतलाई छानबीन नसकिँदासम्म जिम्मेवारीबाट हटाएको हो ।
केन्द्रका निर्देशक तथा सूचना अधिकारी बासुदेव वस्तीका अनुसार आशंकाका आधारमा कर्मचारीलाई जिम्मेवारीबाट हटाइएको हो । ‘संसदमा उठाएको प्रश्न आफैँमा गम्भीर छ । हामीले सोधपुछ र छानबीन गरिरहेका छौं, आशंकामा एक कर्मचारीलाई हटाएका छौं,’ उनले भने, ‘तर सेवाग्राहीले उठाएका केहि सवालहरु हाम्रो सिस्टम हेर्दा मिलेको देखिँदैन ।’
उनले सेवाग्राहीले ३ बजेसम्म पनि काम नभएको भन्ने कुरा झुटो रहेको समेत दाबी गरेका छन् । सोमबार आफूहरुले सिस्टममा हेर्दा ती सेवाग्राहीले बिहीबार दिउँसो ३ः२४ मा कक्षा १० र १२ को इक्युभ्यालेन्ट लिएको देखिएको छ । तर, पैसा कस्लाई दिए भन्नेकुरा खुलेको छैन । कर्मचारीले अप्रत्यक्ष रुपमा घुस खाएको हुनसक्ने आशंका भने गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
