Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । अर्घाखाँचीको पाणिनी गाउँपालिका वडा नं. ६ धातिवाङ्गका वडाध्यक्षको दैनिकी भिन्न किसिमको छ । दिनभर सेवाग्राहीका काम गर्न वडामा व्यस्त हुने वडा अध्यक्ष कृष्णप्रसाद पौडेल बिहानको समयमा विद्यार्थीहरुसंग रमाउने गर्छन् ।
वडामा रहेको एक विद्यालयमा एसईईको नतिजा सोचेअनुसारको नआएपछि वडाध्यक्ष पौडेलले गणित विषयको ट्युसन पढाउँदै आएका छन् । उनी भन्छन्, 'वडामा निर्वाचित भएर आएसंगै विगितका दुई वर्ष पनि धातिवाङ्ग माविका विद्यार्थीहरुलाई निःशुल्क ट्युसन पढाएको थिएँ, यस वर्ष पनि विद्यार्थीहरुलाई ग्रेड वृद्धि गराउन टेवा पुग्ला भनेर ट्युसन पढाएको छु । वडाध्यक्षको घरमा गणित विषयको ग्रेड वृद्धि परीक्षामा सहभागी हुन लागेका ६ जना विद्यार्थी ६ बजे नै ट्युसन पढ्न आउँछन्' ।
वडाध्यक्ष पौडेल भन्छन '५ वर्षका लागि सामाजिक सेवा गर्न जनताले जिम्मेवारी दिएका हुन् । तिनै जनताका छोराछोरीलाई पढाउन पाउँदा मन हर्षित हुन्छ । उनीहरुलाई निः शुल्क ट्युसन पढाउने गरेको उनको भनाइ छ । सकारात्मक सोच सोचसहित शिक्षा सुधार्न वडाबाट गर्ने काममा कुनै कसुर बाँकी राखेको छैन, उनले भने' । विद्यार्थी राजनीतिबाटै उदाएका ३० वर्षिय पौडेल वडाध्यक्षमा निर्वाचित भएका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
