Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
काठमाडौं । सुदूरपश्चिम प्रदेशका नौ वटा जिल्लाका विद्यालयमा साढे १० हजार शिक्षक अपुग रहेको एक अध्ययनले जनाएको छ ।
विद्यालय शिक्षक दरबन्दी मिलानका लागि अध्ययन समितिले गरेको अध्ययन प्रतिवेदनले सुदूरपश्चिम प्रदेशमा १० हजार ४१५ जना शिक्षक अपुग रहेको उल्लेख छ ।
प्राथमिक तहमा दुई हजार ४१७, निमावि तहमा चार हजार २८२ र मावि तहमा तीन हजार ७१६ जना शिक्षक अपुग रहेका अध्ययनले जनाएको छ । अध्ययनले अछामको ढकारी गाउँपालिकामा १२८, तुर्माखाँद गाउँपालिकामा १३२, पञ्चदेवल विनायक नगरपालिकामा १२८, बैतडीको पुर्चौडी नगरपालिकामा १३०, बझाङ बुंगलनगरपालिकामा १२३ जना शिक्षक अपुग रहेको जनाएको छ ।
विभिन्न विद्यालयमा अपुग दरबन्दी सिर्जना गर्नुपर्ने र शिक्षक दरबन्दी रहेपनि शिक्षक नभएको ठाउँमा दरबन्दीअनुसार शिक्षक भर्ना गरी खटाउनु पर्ने एक कार्यक्रमका सहभागीले बताएका छन् । उनीहरुले नयाँ दरबन्दी सिर्जना गरेर शिक्षक भर्ना गर्न सरकारसंग माग गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
