Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । बाराको कलैयामा रहेको रामराजा मोहन विक्रम शाह बहुमुखी क्याम्पसका क्याम्पस प्रमुख स्व.हरिभुषण कुशवाहाको हत्यामा संलग्न थप एक जना पक्राउ परेका छ्न ।
पक्राउ पर्नेमा बारागढी गाउँपालिका-५ पथरा बस्ने ४२ वर्षिय हरिन्दर महरा चमार रहेको जिल्ला प्रहरी कार्यालय बाराका प्रब्क्ता प्रहरी नायब उपरिक्षक दधिराम न्यौपानेले जानकारी दिएका छ्न । प्रहरी प्रब्क्ता न्यौपानेका अनुसार हत्यामा प्रयोग भएको पेस्तोल चमारले आफ्नो बारीमा गाडेको अवस्थामा फेला परेको हो ।
उनको साथबाट प्रहरीले एउटा कटुवा पेस्तोल, अमेरिकामा बनेको अटोमेटिक पेस्तोल, उक्त पेस्तोलमा एक राउण्ड गोली र उक्त पेस्तोलमा लाग्ने म्यागजीन एउटा बरामद गरेको छ । क्याम्पस प्रमुख कुशवाहाको हत्या गत जेष्ठ ३२ गते हत्या भएको थियो ।
आदर्शकोतवाल गाँउपालिका-२ खजुरियाबाट कलैया तर्फ आउदै गर्दा वडा नं ३ बतरामा कुशवाहालाई अज्ञात समूहले गोली प्रहार गरेको थियो । उक्त घटनामा संलग्न रहेको आरोपमा ७ जनालाई पक्राउ गरी यसअघि नै प्रहरीले सार्वजनिक गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
