Apr 21 2025 | २०८२, वैशाख ८ गते
Apr 21 2025 | २०८२, वैशाख ८ गते
काठमाडौं । कलैयास्थित रामराजा बहुमुखी क्याम्पसका प्रमुखको हत्याको विरोधमा प्रदर्शन भएको छ । खजुरिया टोल बस्ने ५० वर्षीय हरीभूषण कुशवाहाको हत्याविरुद्ध जिल्ला प्रहरी कार्यालय र जिल्ला प्रशासन कार्यालय बाराअगाडि शनिबार मृतकका आफन्त र स्थानीयले प्रदर्शन गरेका छन् ।
प्रदर्शनकारीले हत्यारालाई सार्वजनिक गर्न र शान्ति सुरक्षाको ग्यारेन्टी गर्न माग गर्दै नाराबाजी गरेका थिए ।
यसैबीच क्याम्पस प्रमुख कुशवाहाको हत्या आरोपमा प्रहरीले सात जनालाई पक्राउ गरेको जनाएको छ । पक्राउ परेकाको नाम भने प्रहरीले सार्वजनिक गरेको छैन ।
शुक्रबार साँझ करिब साढे ५ बजे आदर्श कोतवाल गाउँ पालिका– ३ बातरा हुँदै मोटरसाइकलमा कलैया जाने क्रममा अपरिचित समूहले गोली हानी कुशवाहाको हत्या गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
