Apr 08 2025 | २०८१, चैत २६ गते
Apr 08 2025 | २०८१, चैत २६ गते
काठमाडौं । प्रहरीले वैदेशिक रोजगारमा टर्की पठाइदिने भन्दै ४ करोडभन्दा रूपैयाँ बढी ठगी गरेको आरोपमा एक जनालाई पक्राउ गरेको छ । पक्राउ परेका कास्की पोखरा महानरगपालिका-५ घर भएका ४२ वर्षिया विनोद श्रेष्ठलाई सोमबार काठमाण्डौं उपत्यका अपराध अनुसन्धान कार्यालयले सार्वजनिक गरेको हो ।
टर्कीको एक कम्पनीमा पठाइदिने भन्दै मिनबहादुर कार्कीलगायत १२४ जना व्यक्तिहरूबाट ४ करोड ३४ लाख ठगी गरी श्रेष्ठ फरार भएका थिए । पीडितले दिएको उजुरीको आधारमा चावहिलबाट श्रेष्ठलाई पक्राउ गरिएको हो ।
श्रेष्ठले पीडितसँग सम्पर्क गरी सुरूमा ५० हजार प्रतिव्यक्ति लिएको र मिनबहादुरसहित ४ जनालाई भारतको दिल्लीमा पुर्याएर प्रतिव्यक्ति ३ लाख उठाएपछि भारतमा रहेका एजेन्टलाई सम्पर्क गराएर विश्वास दिलाएका थिए ।
श्रेष्ठ ती चार जनालाई होटल राखेर फरार भएका थिए । १५ दिन होटलमा बस्दा पनि श्रेष्ठ सम्पर्कमा नआएपछि मिनबहादुरहरू नेपाल फर्किएका थिए ।
त्यसपछि उनीहरूले प्रहरीमा उजुरी दिएका थिए । अहिले श्रेष्ठमाथि अनुसन्धान भइरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
