
Apr 05 2025 | २०८१, चैत २३ गते
काठमाडौं । प्रहरीले सुन तस्करीको आरोपमा दुई जनालाई पक्राउ गरेको छ ।
पक्राउ पर्नेहरुमा सुनसरीको इटहरी उपमहानगरपालिका-११ का २६ वर्षीय सुदीप विक र गोरखाको चुमनुब्री गाउँपालिका-६ घर भएका ३९ वर्षीय सोनाम दोर्जे लामा हुन् ।
उपत्यका अपराध अनुसन्धान कार्यालयका अनुसार उनीहरुमाथि रसुवाको केरुङ नाका हुँदै सुन तस्करी गरेर काठमाडौं ल्याएको आरोप छ ।
भन्सार छलेर रसुवाको केरुङ नाका हुँदै ल्याएको १२८.७ ग्राम सुन उनीहरुबाट बरामद भएको पनि प्रहरीले जनाएको छ । उनीहरुलाई थप अनुसन्धान लागि भन्सार कार्यालयमा पठाइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij