काठमाडौं । ललितपुरमा दुईजना बच्चा र आमा मृत फेला परेका छन ।
जिल्ला प्रहरी परिसर ललितपुरका प्रवक्ता प्रहरी उपरीक्षक नवराज कार्कीले अचेत भेटिएका ६ वर्षीय बालक र २ वर्षीया बालिकाको हिजो साँझ मृत्यु भएको जानकारी दिए । ललितपुरको महालक्ष्मी नगरपालिका–४ स्थित इमाडोलको एक घरमा अचेत अवस्थामा फेला परेका थिए । यस्तै घरको चौथो तलाबाट हामफालेकी ती बच्चाकी आमाको पनि राति साढे ९ बजे नै मृत्यु भएको छ ।
गम्भीर घाइते भई किष्ट अस्पतालमा लगिएकोमा उपचारका क्रममा ती महिलाको मृत्यु भएको प्रहरी उपरीक्षक कार्कीले बताए ।
घटनाबारे अनुसन्धान भइरहेको बताएको प्रहरीले बच्चाहरुमा कतै चोटपटक नदेखिएपनि आमाले नै घाटी थिचरे मारेकोे हो कि भन्ने आशंका गरेको छ ।
