Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । प्रहरीले नक्कली मदिरा बनाउने कारखाना चलाएका ९ जनालाई पक्राउ गरेको छ । पक्राउ परेकाहरु यसअघि पनि सोही काममा संलग्न रहेर खोजी सूचीमा रहेकादेखि धरौटीमा छुटेका समेत छन् ।
काठमाडौं उपत्यका अपराध अनुसन्धान कार्यालयको टोलीले लिमा-३ अपरेसन अन्तरत उनीहरुलाई पक्राउ गरेको हो । अपराध अनुसन्धान कार्यालय का डिएसपी अनिल घिमिरे नेतृत्वको टोलीले गरेको अपरेसनका क्रममा काठमाडौंको कागेश्वरी मनोहरा नगरपालिका-५ थलिमा भाडामा घर लिएर नक्कली मदिरा उत्पादन गरी बजारमा पठाउने धन्दा चलिरहेको भेटिएको हो ।
यस्तो कार्यमा संलग्न मनोज खत्री, विनोद कुमार कार्की, मोहन खड्का, गौरव तामाङ लगायत पक्राउ परेको पत्रकार सम्मेलनमा जानकारी दिइएको छ ।
उक्त स्थानबाट प्रहरीले नक्कली खुकुरी रम २८८ बोतल, फाइटर प्रिमयम डिलक्स ९०० बोतल, ३६५ डेज ब्ल्याक ट्रिपल एक्स ९६ बोतल, गोल्डेन वेक ६३ बोतल, ८८४८ नामक ४८ बोतल र सगुन गोल्ड १५ बोतल बरामद गरेको जानकारी दिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
