काठमाडौं । गुल्मीमा कच्ची सडक सफा गर्ने क्रममा डोजरले ठक्कर दिँदा ९२ वर्षीय वृद्धको मृत्यु भएको छ । जिल्लाको रेसुंगा नगरपालिका–१४ मा तम्घासबाट पराल्मी जाने कच्ची सडक मर्मत गरिरहेको लु १ क ५०२४ नम्बरको डोजरले ठक्कर दिँदा स्थानीय ९२ वर्षीय कृष्णबहादुर सुनारको घटनास्थलमै मृत्यु हो ।
जिल्ला प्रहरी कार्यालय गुल्मीका प्रहरी नायब उपरीक्षक डिल्लीनारायण पाण्डेका अनुसार स्थलगत मुचुल्का तयार गरी मृतकको शवलाई गुल्मी अस्पतालमा पोष्टमार्टमका लागि ल्याइएको छ ।
घटनाबारे थप अनसन्धान जारी रहेको जिल्ला प्रहरी कार्यालय गुल्मीले जनाएको छ ।
