काठमाडौं । राजस्व अनुसन्धान विभागको टोलीले बरामद गरेको सुनमा अनाहकमा व्यवसायी दीपक मल्होत्रा मुछिएको अहिले प्रष्ट भएको छ । प्रहरीको निगरानी र गोप्य सुराकीको आधारमा सुनको मुख्य कारोबारी राकेश अडुकिया देखिएपछि मल्होत्राको दावी सत्य भएको हो । मल्होत्राको नाम मुछिएपछि पत्रकार सम्मेलनमा उनले सुन तस्करीमा संलग्न रहेको प्रमाणित गर्नसमेत चुनौती दिएका थिए ।

मल्होत्राको पारिवारिक स्रोतका अनुसार विभागले सुन बरामद गर्दा मल्होत्रा परिवार कालिमाटीस्थित टे«ड सेन्टरमा फिल्म हेर्दे थिए । फिल्मको ब्रेकमा दीपक मल्होत्राले दिकेसलाई भने, ‘एयरपोर्टतिर सय किलो सुन समातिएछ त । कसको होला ?' भन्दै बुबाछोराले हाँसो मै उडाए । अझ त्यही बेला दीपकले भनेका थिए, ‘यो सुनको विषयमा मलाई समेत मुछ्न बेर छैन ।’ नभन्दै भोलीपल्टको पत्रिकामा सुन तस्करमा दीपकको संलग्नताको आशंका भन्दै तस्वीर प्रकाशित भएको थियो । 

दीपक मल्होत्राले आफ्नो नाम जोडिएपछि सार्वजनिक खण्डन गरेकै बेला सक्कली सुन मालिक अडुकिया नेपालबाट फरार भए । 

दीपकले गरेको प्रेस सम्मेलनको केही दिनपछि एक दैनिक पत्रिकामा राकेश अडुकिया सुन तस्करमा संग्लन छन् भन्ने आरोपसहित सामाचार लेखेको थियो । बुधबार अडुकिया काठमाडौंमै थिए । गत आइतबार एक दैनिक पत्रिकाले अडुकियाको नाम जोडेर समाचार लेखेपछि उनी नेपालबाट भागेका हुन् । मल्होत्राले आफ्नो नाम जोडिएपछि सार्वजनिक खण्डन गरेकै बेला अडुकिया नेपालबाट फरार भए । 

सुन समातिएको प्रकरणमा असम्बन्धित व्यक्तिलाई यसमा जोड्दा अडुकिया ढुक्कले नेपालबाट भाग्न सफल भएका हुन् । सुन नियन्त्रण लिएको एक सातापछि बुधबारमात्र अडुकियाको घरमा राजस्वको टोलीको छापा मार्नु पाँचदिन अघि उनी नेपालबाट सहजै भागिसकेका थिए । 

सुन प्रकरणमा मुछिएपछि मल्होत्राले भने, ‘संलग्नता पुष्टि भए सजाय भोग्न तयार छु'