प्रदूषणलाई चिन्ताको भन्दा चिन्तनको विषय बनाऔं: ओली

काठमाडौं । एमाले अध्यक्ष केपी शर्मा ओलीले स्वास्थ्यको दृष्टिकोणबाट प्रदूषणको चिन्ताभन्दा बढी चिन्तन गर्नु आवश्यक भएको बताएका छन् । पूर्वप्रधानमन्त्री ओलीले काठमाडौं शहर विश्वका पहिलो प्रदूषित सहरमा पर्नु चिन्ताको विषय भएको बताएका हुन् ।

उनले काठमाडौं शहर प्रदूषणको सूचीमा १ नम्बर देखिएको भन्दै तत्काल कदम चाल्नुपर्ने बताए । काठमाडौं महानगरपालिकाका प्रमुख, उपप्रमुखले पनि प्रदूषणबाट बचाउन केही गर्दै गरेको उल्लेख गर्दै उनले प्रदेश र संघ सरकारहरुको पनि भूमिका आवश्यक भएको धारणा राखे । उनले घरभित्र वा बाहिर वातावरणलाई जीवन्त राख्न आ-आफ्नो ठाउँबाट भूमिका खेल्न उनले आग्रह गरे ।

‘हिजो ट्वीटर स्क्रोल गर्दै जाँदा वर्ल्ड अफ स्टाटसु भन्ने ट्वीटर ह्यान्डलबाट आएको एउटा ट्वीटमा आँखा अडिए । त्यसमा विश्वका प्रदुषित शहरको सूचीको पहिलो नम्बरमा हाम्रो काठमाडौंको नाम थियो । ५० लाखभन्दा बढी मानिस बस्ने यस शहरका लागि स्वास्थ्यको दृष्टिकोणबाट यो चिन्ताको विषय हो । तर यस विषयमा चिन्ता भन्दा बढी चिन्तन गर्नु आवश्यक छ । ’ मंगलबार बिहान ओलीले लेखेका छन्,‘काठमाडौं महानगरपालिकाका प्रमुख, उपप्रमुखले पनि काठमाडौंलाई यसबाट बचाउन पक्कै केही गर्दै हुनुहुन्छ । यसमा प्रदेश र संघ सरकारहरुको पनि भूमिका आवश्यक छ । यसको लागि हामी सबै मिली यो वा त्यो नभनी तत्काल कदम चालौं । हामी सबैले घर भित्र वा बाहिर वातावरणलाई जीवन्त राख्न आ(आफ्नो ठाउँबाट जस्तो सकिन्छ त्यस्तो भूमिका खेलौं ।’

प्रदूषणलाई चिन्ताको भन्दा चिन्तनको विषय बनाऔं: ओली

प्रदूषणलाई चिन्ताको भन्दा चिन्तनको विषय बनाऔं: ओली

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय