Apr 23 2025 | २०८२, वैशाख १० गते
Apr 23 2025 | २०८२, वैशाख १० गते
काठमाडौं । नेपाल क्रिकेट संघ (क्यान) ले एसीसी महिला टी-ट्वान्टी इमर्जिङ टिम्स एसिया कप खेल्न जाने नेपाली टिमको बिदाइ गरेको छ ।
हङकङमा सोमबारदेखि आयोजना हुने प्रतियोगितामा नेपालले भारत र पाकिस्तानसँग पनि भिडन्त गर्नेछ ।
प्रतियोगिताका लागि नेपालले रुबिना क्षेत्रीको कप्तानीमा टिमको घोषणा गरिसकेको छ । थाईल्यान्डले भिसाका कारण प्रतियोगिताबाट नाम फिर्ता लिएपछि नेपालले खेल्न पाएको हो ।
प्रतियोगितामा नेपाल रहेको समूह ‘ए’ मा भारत, पाकिस्तान र हङकङ रहेका छन् । नेपालले मंगलबार पाकिस्तानसँग पहिलो खेल खेल्नेछ ।
आठ टिम रहेको प्रतियोगितामा दुई समूहका शीर्ष दुई टिमले सेमिफाइनलमा प्रवेश पाउनेछन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
