Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । धितोपत्र बोर्डले आशय पत्र दिइएका ४३ मध्ये ७ वटालाई सञ्चालनको लागि अनुमति दिएको छ ।
भोले गणेश सेक्युरिटिज, क्यापिटल म्याक्स सेक्युरिटिज, हिमालयन ब्रोकेज कम्पनी, सन सेक्युरिटिज, मियो सेक्युरिटिज, सेयरप्रो सेक्युरिटिज र प्रोपर्टी विजार्डलाई अनुमति दिएको बोर्डले जनाएको छ । यो सँगै ब्रोकर कम्पनीको संख्या ५७ पुगेको छ ।
थप ३६ कम्पनीले यसअघि आशय पत्र पाएका छन् । आशय पत्र पाएको ६ महिनाभित्रमा पूर्वाधार तयारी गरी धितोपत्र बोर्डलाई जानकारी दिनुपर्ने व्यवस्था छ । बोर्डले यसरी जानकारी पाएको ३० दिनभित्र स्थलगत निरीक्षण र जाँचबुझ गर्नेछ ।
बोर्डले थप व्यवस्था गर्नपर्ने देखिएमा ३० दिनको समय थपिदिनेछ । तोकिएको न्यूनतम पूर्वाधार तयार नगर्नेको अनुमति स्वतः रद्द हुनेछ । हरेक तीन/तीन वर्षमा बोर्डले बजारको आवश्यकता अनुसार धितोपत्र दलाल थप्न सक्ने व्यवस्था छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
