काठमाडौं । सत्तारूढ दल नेकपा (माओवादी केन्द्र)का नेताहरू उत्तरी छिमेकी मुलुक चीनको भ्रमण जाँदैछन् । अनुभव आदानप्रदानका लागि भन्दै माओवादी केन्द्रका उपाध्यक्ष एवं पूर्वसभामुख अग्निप्रसाद सापकोटा नेतृत्वको टोली चीन जान लागेको हो ।
माओवादी केन्द्र स्रोतले आगामी शुक्रबार सापकोटाको नेतृत्वमा करिब २० जना नेताहरू चीन भ्रमणमा जान लागेको जनाएको छ । भ्रमणका लागि माओवादी केन्द्रका भातृ संगठनहरूका प्रमुख र प्रदेश अध्यक्षहरू सहभागी हुने बताइएको छ ।
