
Apr 06 2025 | २०८१, चैत २४ गते
काठमाडौँ । डा. गोविन्द केसीको स्वास्थ्य जटिल बन्दै गएपछि काठमाडौं लैजाने तयारी गरिएको छ । ९ दिनदेखि धनगढीमा अनसन बसिरहेका केसीलाई कडा खालको अल्सरको लक्षण देखिएपछि उनलाई काठमाडौं लैजाने तयारी गरिएको हो ।
जिल्ला प्रशासन कार्यालय कैलालीका सूचना अधिकारी शिवराज जोशीका अनुसार नेपाली सेनाको स्काइ ट्रक धनगढी आउने र टिचिङमा लैजाने तयारी भएको छ ।
अस्पतालका प्रवक्ता डा. शेरबहादुर कमरले विज्ञप्ति निकालेर केसीको मांशपेशी सुक्दै गएको र अल्सर भई रक्तस्रावको शंका भएको भन्दै थप जटिलता हुन सक्ने हुनाले बहुविशेषज्ञ भएको विशिष्टिकृत अस्पतालमा लैजान सम्बन्धित निकायलाई आग्रह गरिसकेको बताएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij