
Apr 05 2025 | २०८१, चैत २३ गते
काठमाडौँ । एसईईको नतिजा यसै साता सार्वजनिक हुने भएको छ । राष्ट्रिय परीक्षा बोर्ड परीक्षा नियन्त्रण कार्यालयले यही हप्ता कक्षा १० (एसईई)को नतिजा सार्वजनिक गर्ने जनाएको छ ।
परीक्षा नियन्त्रक अर्जुन रायमाझीका अनुसार साउन पहिलो साता विद्यार्थीले नतिजा प्राप्त गर्ने सम्भावना रहेको छ । त्रुटि कम्ति होस् भनेर रुजु गर्ने, लगाएतका नतिजा प्रकाशनको लागि अन्तिम चरणको काम भइरहेको उनले बताए ।
वैशाख ९ गतेदेखि सुरु भएको परीक्षामा यो वर्ष देशभरका २७ सय परीक्षा केन्द्रबाट ५ लाख १४ हजार ७ सय ६० जना विद्यार्थीले परीक्षा दिएका छन् । त्यसमध्ये जापानको १ परीक्षा केन्द्रबाट २० जना विद्यार्थीले एसईई दिएका छन् । कोभिड महामारीको दुई वर्षपछि बोर्डले नै यसपटक एसईई परीक्षा संचालन गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij