Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
ललितपुर । ३० बैशाखमा हुन लागेको स्थानीय तहको निर्वाचमा ललितपुर महानगरबाट २०७४ मा उम्मेदर भएरजितेका २९ वडाअध्यक्ष मध्ये २२ जना वडाध्यक्षहरु फेरि चुनावी मैदानमा उत्रिएका छन् । ललितपुर महानगरमा जम्मा ५८७ जनाको उम्मेदवारी परेको छ । जसमध्ये १४७ जना वडाध्यक्षको उम्मेदवार बनेका छन् ।
२०७४ मा एमालेबाट जितेका १५ जना वडाध्यक्षहरुमध्ये १२ जना वडाध्यक्ष फेरि उम्मेदवार बनेका छन् । एमालेबाट नै ७ जना दोहोर्याएर उठेका छन् । एमालेबाट विभाजन भएर बनेको नेकपा एकीकृत समाजवादीबाट २ जना, स्वतन्त्रबाट ३ जनाले फेरि उम्मेदवारी दिएका हुन् ।
दोहोर्याएर वडाध्यक्षको उम्मेदवार हुनेमा एमालेबाट ४, ५, ११ , १२ , १७ , २५ र २९ नम्बरमा रहेका छन् । भने यस्तै वडा नम्बर २ , ३ मा श्रीगोपाल महर्जन नेकपा एकीकृत समाजवादीबाट उम्मेदवार छन् । यस्तै एमालेबाट १४, १८,र १९ नम्बर वडामा स्वतन्त्र रुपमा उठेका छन् । यस्तै नेपाली कांग्रेसबाट जितेका ९ जनामध्ये ६ जना दोहोर्याएर वडाध्यक्षमा उठेका छन् । जसमध्ये कांग्रेसबाट नै ४ जना र २ जना स्वतन्त्र उठेका छन् ।
कांग्रेसबाट जितेर फेरि दोहोर्याएर वडाध्यक्ष १ र १३ नम्बर वडाध्यक्ष उठेका छन् । यस्तै कांग्रेसबाट ७ , ९ , १६ , २० नम्बर वडाध्यक्ष रहेका छन् । यस्तै नेकपा माओवादी केन्द्रले जितेको ४ मध्ये ३ वटा वडाध्यक्ष फेरि उम्मेदवार बनेका छन् । यस्तै माओवादीबाट जितेका २१ , २६ र १८ नम्बरमा फेरि वडाध्यक्षका उम्मेदवार भएका हुन् । अघिल्लो चोटि १० नम्बर वडामा स्वतन्त्र उठेर जितेका नरसिंह व्यञ्जनकार फेरि उम्मेदवार बनेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
