Apr 17 2025 | २०८२, वैशाख ४ गते
Apr 17 2025 | २०८२, वैशाख ४ गते
रुपन्देही । रुपन्देहीबाट हातहतियारसहित चार जना पक्राउ परेका छन् । प्रहरीले अवैध हातहतियारसहित उनिहरुलाई पक्राउ गरेको हो। पक्राउ पर्नेमा जिल्लाको देवदह नगरपालिका-६, सताकखोला बस्ने ३६ वर्षीय गणेश राना, सोही ठाउँका ४६ वर्षीय कृष्णबहादुर कामु, ४९ वर्षीय सुनबहादुर आले र ३६ वर्षीय चेतबहादुर दर्लामी रहेको प्रहरीले जनाएको छ ।
देवदह-६ भलुहीस्थित उजेरी पाल्पाली सामुदायिक वनभित्र भरुवा बन्दुकसहित हिँडिरहेको अवस्थामा रुपन्देही प्रहरी प्रवक्ता डीएसपी नवरत्न पौडेलका टोलीले पक्राउ गरिएको हो ।उनीहरूको साथबाट प्रहरीले ७ नाल भरुवा बन्दुक, उक्त बन्दुकमा लाग्ने छर्रा १२९ पिस, ३२७ ग्राम वारुद, ७५ पिस केप र २ थान फलामको चक्कु बरामद गरिएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
