Apr 04 2025 | २०८१, चैत २२ गते
Apr 04 2025 | २०८१, चैत २२ गते
ललितपुर/ पल शाहको बिषयमा नेपाल चलचित्र कलाकार संघले ध्यान आकृष्टभएको जनाएको छ । नेपाल चलचित्र कलाकार संघका अध्यक्ष रविन्द्र खडका र उपाध्यक्ष तथा प्रबक्ता मोहन निरौलाले आज शनिबार एक विज्ञप्ति जारी गर्दै व्यक्तिगत जीवनलाई पेशा र ब्यबशायसंग जोड्दै अनेक लान्छना लगाउँदै विवाद सृजना गर्ने काम भएको भन्दै खेद ब्यक्त गरेको छ ।
विज्ञप्तिमा भनिएको छ, ‘अभिनेता पल शाहको बिषय,घटना र सन्दर्भ कानुनी उपचारमा रहेकाले त्यस सम्बन्धमा नेपालको कानुनले सम्बन्धित निकाय मार्फत निर्क्यौल र निष्कर्ष निकाल्ने र दोषीलाई सजाय दिने भएकाले त्यो बिषय र सन्दर्भमा चलचित्र क्षेत्र र कलाकारलाई दोषारोपण गर्दै बिभिन्न लान्छना लगाई वादबिवादको श्रृजना गर्नु र एक आपसमा लान्छना लगाउनु दुस्खद रहेको हाम्रो ठहर छ । व्यक्तिगत जीवन, पेशा र ब्यबशाय फरक फरक कुरा हुन । ब्यक्तिको बिषयलाई लिएर पेशा र ब्यबशायलाई आक्षेप लगाउदै फलाने चलचित्रमा फलानो छ भन्दै दोषारोपण गर्नु खेदजनक छ ।एउटा चलचित्रमा कलाकार मात्र हैन, अरू पेशाकर्मी र लगानीकर्ताको पनि महत्वपूर्ण भूमिका हुन्छ । चलचित्रमा काम गरेको एउटा ब्यक्तिको बिषयसंग चलचित्र,पेशा र ब्यबशायलाई जोडेर चलचित्र क्षेत्रलाई बदनाम गराउने, जनमानसमा दुष्प्रचार गर्ने खालका कृयाकलाप नगरीदिन हुन हामी सबैमा बिनम्र अनुरोध गर्दछौ ।’
संघले कोभिडको कारणले थला परेको चलचित्र क्षेत्र र यस संग सम्बन्धित पेशा र ब्यबशायलाई चलायमान बनाएर पुरानै लयमा ल्याउनका लागि संवेदनशील भएर लाग्न चलचित्र क्षेत्रका शुभचिन्तक, दर्शक, चलचित्रकर्मी, सञ्चारकर्मी लगायत बिभिन्न क्षेत्रका पेशाकर्मीहरु समेतलाई आग्रह गरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
