
Apr 04 2025 | २०८१, चैत २२ गते
काठमाडौं । झण्डै एक दशक लामो फिल्मी करिअरमा विवादबाट टाढा रहेकी अभिनेत्री वर्षा सिवाकोटी केही वर्षयता प्रेम सम्बन्धका कारण चर्चामा छिन् । उनी अमेरिकामा बसोबास गर्ने सविनजंग थापासँगको प्रेममा छिन् । यद्यपि, वर्षाले प्रेम सम्बन्ध खुलेर स्वीकार भने गरेकी छैनन् । तर, उनले बेला बखतमा सामाजिक सञ्जालमा पोस्ट गर्ने तस्विरले उनी सविनको गहिरो प्रेममा रहेको प्रस्ट्याउँछ ।
सरकारले अन्तर्राष्ट्रिय उडान खोल्न अनुमति दिएपछि दशैंको टीका थापेर पारिवारिक भेटघाटका लागि भन्दै अमेरिका उडेकी वर्षाले तिहार पनि त्यतै मनाइन् । अभिनेत्री सिवाकोटीले अमेरिका पुगेपछि सविनसँगका भेटघाटका तस्विरहरु इन्स्टाग्राममा पोस्ट्याइरहेकी छन् ।
अभिनेत्री सिवाकोटीले अमेरिका पुगेपछि सविनसँगका भेटघाटका तस्विरहरु इन्स्टाग्राममा पोस्ट्याइरहेकी छन् ।
बुधवार उनले इन्स्टा स्टोरीमा एक तस्विर राखेकी छन्, जसमा एक प्रेम जोडी अस्ताउँदै गरेको सूर्यतर्फ हेरिरहेका छन् । पछाडिको भागबाट खिचिएका कारण तस्विरमा दुवैको अनुहार देखाएको छैन । तर, तस्विरमा देखिएको जोडी वर्षा र सविन हुन् भन्नेमा शंका छैन ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij