Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
एनफिल्डमा भएको खेलमा लिभरपुलले आर्सनललाई ३–३ को बराबरीमा रोकेको हो ।
दशौँ मिनेटमा रोबर्टो फिरमिनोले लिभरपुललाई सुरुवाती अग्रता दिलाए । १४ औँ मिनेटमा आर्सनलका लागि आरोन रामसीले बराबरी गोल फर्काए । त्यसको पाँच मिनेटपछि लिभरपुलका फिरमिनोले व्यक्तिगत दोस्रो गोल गरेपछि खेल २–१ को अवस्थामा पुग्यो ।
६ मिनेटपछि ओलिभर जिरउडले आर्सनलका लागि बराबरी गोल गरे । पहिलो हाफमा २–२ को बराबरी भएको खेलमा ५५ औँ मिनेटमा जिरउडले व्यक्तिगत दोस्रो गोल गरेपछि आर्सनलले ३–२ को अग्रता लियो । अन्तिम समयमा लिभरपुलका जो एलनले गोल गरेपछि खेल ३–३ को बराबरीमा सकियो ।
लिभरपुलले दश खेलाडीमा सिमित आर्सनललाई पराजित गर्न सकेन । खेलको २४औँ मिनेटमै आर्सनलका ग्रानिट शाकाले रेड कार्ड पाएका थिए ।
बराबरीपछि शीर्ष स्थानको आर्सनलको २१ खेलबाट ४३ अंक छ भने समान २१ खेलबाट ३१ अंक जोडेको लिभरपुल नवौं स्थानमा छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
