कुमार तोलाङ्गेले उपत्यकाको विभिन्न स्थानमा कार्टुनका टुक्राहरु र फोहोरमैला उठाउने भेष बनाई सुनसान घरहरुबाट चोरी गर्ने गरेको खुलेको छ ।

ललितपुर । बालकुमारी बस्ने झोक्की भन्ने कुमार तोलाङ्गेलाई महानगरीय अपराध महाशाखाबाट खटिएको विशेष टोलीले पक्राउ गरेको छ । उपत्यकाको विभिन्न स्थानमा कार्टुनका टुक्राहरु र फोहोरमैला उठाउने भेष बनाई सुनसान घरहरुबाट चोरी गर्ने गरेको खुलेको छ ।

घरमा कोही नभएको मौका छोपी नगद, ल्यापटप, मोबाईल तथा सुनचाँदीका गर–गहनाहरु चोरीमा संलग्न पाइएको छ । उनलाई थप अनुसन्धान तथा कारवाहीको लागि महानगरीय प्रहरी वृत्त, ठिमी भक्तपुर पठाईएको छ। अनुसन्धानको क्रममा ल्यापटप दुई थान, मोबाईल एक थान बरामद भएको महाशाखाले जनाएको  छ।