स्वास्थ्य राज्यमन्त्रीको शपथ लिइसकेपछि उमेश श्रेष्ठले भने, 'जहाँसम्म मलाई लाग्छ अहिलेको सबैभन्दा आवश्यक भनेको खोप हो । खोपको व्यवस्थापन मेरो प्राथमिकतामा पर्नेछ ।’

काठमाडौं । नवनियुक्त स्वास्थ्य राज्यमन्त्री उमेश श्रेष्ठले आफू बढीभन्दा बढी जनतामा स्वास्थ्य सेवा पुर्‍याउने उद्देश्यले काम गर्ने बताएका छन् । स्वास्थ्य राज्यमन्त्रीको शपथ लिइसकेपछि राज्यमन्त्री श्रेष्ठले भने, 'जहाँसम्म मलाई लाग्छ अहिलेको सबैभन्दा आवश्यक भनेको खोप हो । खोपको व्यवस्थापन मेरो प्राथमिकतामा पर्नेछ ।’

राज्यमन्त्री श्रेष्ठले आफूसँग शिक्षासँगै स्वास्थ्य र खेल क्षेत्रको लामो अनुभव रहेको प्रतिक्रिया दिँदै भने, ‘नेपालको स्वास्थ्य सेवालाई कसरी गुणस्तरीय बनाउन सकिन्छ भन्ने विषयलाई म एकदमै प्राथमिकता दिएर काम गर्ने छु ।’