खनाल–नेपाल समूहका १५ नेताको एउटै आवाज - ओलीको स्वेच्छाचारी, निरङ्कुश र प्रतिगमनकारी कदमविरुद्ध सङ्घर्ष गरौँ (पूर्णपाठ)

अनलाइन पत्रिका
बुधबार, जेठ १२ २०७८

काठमाडौं । नेकपा एमालेको खनाल–नेपाल समूहका १५ जना नेताले अध्यक्ष तथा प्रधानमन्त्री केपी शर्मा ओलीविरुद्ध एकता र सहकार्यका साथ अग्रसर हुनुपर्ने बताएका छन् ।

बुधबार एक वक्तव्य जारी गर्दै खनाल नेपाल समूहले यस्तो कुरा बताएको हो । १५ नेताले ओलीको स्वेच्छाचारी, निरङ्कुश र प्रतिगमनकारी कदमविरुद्ध सबैको एकताबद्ध सङ्घर्ष र सहकार्य अपरिहार्य रहेको बताएका हुन् ।

वक्तव्यमा भनिएको छ - "केपी शर्मा केपी शर्माका पार्टी भित्र र देशमा गरिएको स्वेच्छाचारी, निरङ्कुश र प्रतिगमनकारी कदमविरुद्ध सबै वामपन्थी र लोकतन्त्रवादी शक्तिहरूको एकताबद्ध सङ्घर्ष र सहकार्य अपरिहार्य भएको छ । यसका लागि हामीहरु तत्परताका साथ आवश्यक पाइला चाल्न अग्रसर छौं ।"

"यसका लागि आआफ्नो ठाउँबाट एकता र दृढताका साथ केपी गुटका धाकधम्की ,प्रलोभन र भ्रमलाई अस्विकार गर्दै दृढताका साथ अघि बढ्न नेकपा एमालेका सबै नेता, कार्यकर्ता, सदस्य र शुभेच्छुकहरुमा हार्दिक आव्हान गर्दछौं ।"

वक्तव्यमा १५ नेताले राष्ट्रियता, लोकतन्त्र र जनहितका लागि सबै लोकतन्त्रप्रेमी, देशभक्त, राजनीतिक दल एवम् जनसमुदायमा एक हुने बेला आएको पनि बताएका छन् ।

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय