Jun 18 2026 | २०८३, असार ४ गते
Jun 18 2026 | २०८३, असार ४ गते
रुपन्देही । असार ६ गते भनिएको निवर्तमान पार्टी सभापति शेरबहादुर देउवा पक्षधर छुट्टै भेला हाललाई स्थगित भएको छ ।
कांग्रेसका निवर्तमान केन्द्रीय सदस्य गेहेन्द्र गिरीले अहिलेलाई भेला स्थगित गरिएको जानकारी दिए । उनले अर्को सूचना नआउँदासम्मको लागि भेला स्थगित भएको पार्टीका नेता, कार्यकर्तालाई बताएका छन् ।
‘हामीले असार ६ गते लुम्बिनी प्रदेशस्तरीय देउवा निकट नेता कार्यकर्ताको भेला आयोजना गर्ने निर्णय गरेका थियौ,’ नेता गिरीले भने ‘अर्को सूचना नआउँदासम्म हाललाई त्यो भेला स्थगित गरेका छौ ।’
नेता गिरीले हालसम्म आफूले क्रियाशील सदस्यता अद्यावधिक नगरेको भन्दै आफू निकट र समाजमा पहिचान बनाएका नेता कार्यकर्तालाई अहिले नै आत्तिएर अद्यावधिक नगर्न आग्रह गरेका थिए ।
नेता गिरीले १४औँ महाधिवेशनमा क्रियाशील सदस्यहरूलाई स्वतह पार्टीले अद्यावधिक गर्नुपर्ने तर्क गरेका थिए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
