May 14 2025 | २०८२, वैशाख ३१ गते
May 14 2025 | २०८२, वैशाख ३१ गते
काठमाडौं । जिल्लाको बारेकोट गाउँपालिका-६ धुमामा पहिरोले घर पुर्दा पुरिएका वडा सदस्य दम्पतीको शव निकालिएको छ ।
गाउँपालिका अध्यक्ष वीरबहादुर गिरीका अनुसार वडा सदस्य दम्पतीको शव आइतबार बिहान निकालिएको हो । गएराति आएको पहिरोले घर पुरिँदा बारेकोट गाउँपालिका-६ की महिला वडा सदस्य ३८ वर्षीया प्रेमकुमारी चलाउनेको घर पुरिएको थियो । जहाँ पति-पत्नीसमेत पुरिएका थिए ।
बारेकोट गाउँपालिका ६ का वडाध्यक्ष डम्बरबहादुर महताराले पहिरोले घर पुरिँदा वडा सदस्य प्रेमकुमारी र उनका पतिको मृत्यु भएको बताए ।
यस्तै पहिरोमा पुरिएकी उनीहरूकी १९ वर्षीया छोरी सम्झना चलाउनेको उद्धार गरेर नेपाली सेनाको हेलिकप्टरमार्फत प्रदेश अस्पताल कालागाउँ पठाइएको छ । उनी उपचाररत छिन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
