काठमाडौं । लिबाङमा अविरल वर्षापछि आएको पहिरोले घर भत्किँदा एक महिलाको मृत्यु भएको छ । आइतबार बिहान पहिरोले लिबाङस्थित चर्च भत्किँदा महिलाको मृत्यु भएको हो ।
रोल्पा नगरपालिका-२ मूलपानीमा रहेको बेथेल मण्डली भत्किँदा भित्र रहेकी रोल्पा नगरपालिका–१० धाङसीकी ७० वर्षकी धनजिता बुढा मगरको मृत्यु भएको रोल्पा प्रहरी प्रवक्ता प्रहरी निरीक्षक केशवराज बराकोटीले बताए ।
उक्त घटनामा पूर्वी रोल्पाको सुनछहरी गाउँपालिका-३ मौलावन घर भई सोही चर्चमा बस्ने १८ वर्षकी नौभा घर्ती मगर घाइते भएकी छन् । उनलाई उपचारका लागि रोल्पा अस्पताल रेउघामा पुर्याइएको छ ।
उक्त चर्चमा १० जना बस्दै आए पनि अन्य भने सकुशल रहेको प्रहरीले जनाएको छ ।
