May 13 2025 | २०८२, वैशाख ३० गते
May 13 2025 | २०८२, वैशाख ३० गते
काठमाडौं : कांग्रेसले निरन्तर संसद् अवरोध गर्ने भएपछि सभामुखले मन्त्रिपरिषद् बैठकले आर्थिक वर्ष २०८१/०८२ को नीति तथा कार्यक्रम ल्याउन राष्ट्रपतिलाई आह्वान गरेको दिन बैठक बोलाएका छन्। सोहि विषयका सन्दर्भमा पनि सोमबार कांग्रेसको संसदीय दलको बैठकमा छलफल गर्ने पदाधिकारी बैठकले निर्णय गरेको छ।
जेठ १ गते सरकारले नीति तथा कार्यक्रम ल्याउँदै छन् । सरकारले ल्याउने नीति तथा कार्यक्रम संयुक्त (प्रतिनिधि सभा र राष्ट्रिय सभा) बैठकमा राष्ट्रपति रामचन्द्र पौडेलले बाचन गर्नेछन् ।
बालुवाटार स्रोतका अनुसार प्रधानमन्त्री दाहालले संसद्को गतिरोध अन्त्यका लागि सभापति देउवालाई आग्रह गरेका छन् । प्रधानमन्त्री प्रचण्डले कांग्रेसलाई अडान छाडेर सहमतिका लागि पहल गर्न आग्रह गर्दै आएका छन् । सरकारले कांग्रेसलाई समग्र समस्याग्रस्त सहकारी छानबिन गर्न आयोग गठन गरेर ‘फेस सेभिङ’ र दोषी देखिएका सबैलाई कारबाही गर्ने प्रस्ताव गरेको छ।
संसद्को गतिरोध अन्त्य गर्न प्रधानमन्त्री पुष्पकमल दाहाल र नेपाली कांग्रेसका सभापतिसहित शीर्ष नेताहरुबीच छलफल सुरु भएको छ । प्रधानमन्त्री निवास बालुवाटारमा जारी छलफलमा नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का, महामन्त्री गगन थापालगायतका नेताहरु सहभागी छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
