May 18 2025 | २०८२, जेठ ४ गते
May 18 2025 | २०८२, जेठ ४ गते
काठमाडौं । बिहीबार दिउँसो भएको आगलागीमा विनटोलमा ५ घर जलेका छन् ।
बिहीबार दिउँसो साढे १ बजे स्थानीय मोहिचन्द मुखियाको फुस र खपडाको छाना भएको कच्ची घरबाट आगो सल्किएर रामानन्द मुखिया, शिवजी बिन, राज नारायण मुखिया र हृदय नारायण मुखियाको घर गोठ जलेर नष्ट भएको छ ।
घर गोठ जलेर अन्नपात, लत्ताकपडा, गरगहना, नगद सहित ७ लाख ५० हजार ५ सय रुपैयाँको क्षति भएको सशस्त्र प्रहरी रौतहटका प्रमुख एसपी बिक्रम हुमागाईंले जानकारी दिएका छन् ।
आगलागीको खबर पाउनासाथ सुरक्षा वेसक्याम्प भलोहियाबाट सई भैरो बहादुर राईको कमाण्डमा गएको ७ जना, प्रहरी चौकी मधोपुरबाट असई शेख हुल सुल्ताहको कमाण्डमा गएको ७ जना, गौर नगरपालिकाको दमकल र स्थानीयहरूको सहयोगमा आगलागी नियन्त्रणमा आएको सशस्त्र प्रहरी रौतहटले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
