कैद माफी पाएका रिगललाई पुनः थुनामा राख्न माग गर्दै प्रदर्शन

काठमाडौं । संविधान दिवसको अवसरमा सरकारबाट कैद माफी पाएका रिगल भनिने योगराज ढकाललाई पुनः थुनामा राख्न माग गर्दै महिला अधिकारकर्मीहरूले प्रदर्शन गरेका छन् । महिला अधिकारकर्मीहरूले कैद माफी फिर्ता गरी उनलाई जेल चलान गर्न माग गर्दै काठमाडौंको माइतीघरमा प्रदर्शन गरेका हुन् ।

यो घटनाले संविधानको धज्जी उडाएकाले आफूहरु प्रदर्शनमा उत्रिनु परेको महिला अधिकारकर्मी अञ्जु केसी श्रेष्ठले बताइन् । अर्की आन्दोलनकर्मी कल्पना बस्नेतले भारतीले न्याय पाउनुपर्ने र महिलामाथि हिंसा गर्नु नहुने बताइन् ।

मृतककी पत्नी भारती मानन्धर उनलाई कैद मिनाहा दिइएको भन्दै त्यसको विरोधमा माइतीघरमा अनशनरत छिन् । नेपालगञ्जका चेतन मानन्धरलाई खुँडा प्रहार गरेर हत्या गरेको अभियोगमा जन्मकैदको सजाय पाएका रिगललाई सरकारले संविधान दिवसको अवसर पारेर कैद मिनाहा गरेको थियो ।

सर्वोच्च अदालतले रिगललाई रिहा गरेको बारेमा परेको मुद्दामा सरकार र राष्ट्रपति कार्यालयको नाममा समेत कारण देखाउ आदेश जारी गरिसकेको छ ।

कैद माफी पाएका रिगललाई पुनः थुनामा राख्न माग गर्दै प्रदर्शन

कैद माफी पाएका रिगललाई पुनः थुनामा राख्न माग गर्दै प्रदर्शन

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय