May 22 2025 | २०८२, जेठ ८ गते
May 22 2025 | २०८२, जेठ ८ गते
काठमाडौँ । जागिरको प्रलोभनमा भारतमा बेचिन पुगेका दुई नेपाली युवतीको उद्धार गरिएको छ । केआइएन इन्डियाको नेपाल संयोजक इन्द्रराज भट्टराईले तीन महिनाअघि कामको शिलशिलामा भारतमा पुर्याइएका सुर्खेतका १८ र २३ वर्षीया युवतीलाई शनिबार नेपाल ल्याइएको जनाए ।
महिला बालबालिका तथा ज्येष्ठ नागरिक मन्त्री सुरेन्द्रराज आचार्यको पहलमा केआइएनले उद्धार गरेको हो । गाउँकै दिदी पर्ने एक महिलाले उनीहरूलाई राम्रो काम लगाइदिन्छु भन्दै दिल्ली पुर्याइएकी थिइन् । उनीहरूलाई त्यहाँ पुर्याएर ती महिला भने फर्किएकी थिइन् ।
यहाँबाट भागे उनीहरूलाई प्रहरीले नियन्त्रणमा लिने र थुनामा राख्ने धम्की दिएपछि बाध्यतामा परेको दु:खेसो पोखेका छन् । भट्टराईले केआइएन इन्डियाले गोप्य सुचना प्राप्त भएसँगै नेपाली दूतावास, महिला मन्त्रालयको पहलमा उनीहरूको उद्धार भएको बताए ।
 (1).gif)
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
