रामेछापको मन्थली नगरपालिकामा एमालेको लव श्रेष्ठ विजयी

रामेछाप । रामेछाप जिल्लाको सदरमुकाम रहेको मन्थली नगरपालिकामा नेकपा एमालेको तर्फबाट उम्मेदवार बनेको लव श्रेष्ठ मेयरमा विजयी भएका छन् । श्रेष्ठले निकटतम प्रतिस्पर्धी कांग्रेसको उम्मेदवार विनोद कुमार कार्कीलाई पराजित गर्दै मन्थलीको मेयरमा विजय हासिल गरेका हुन् ।

श्रेष्ठले ९ हजार ७ सय १८ मत ल्याएर विजय हुँदा कार्कीले ९ हजार १ सय २२ मत ल्याएर पराजित भए । श्रेष्ठसँगै मन्थलीको उपमेयरमा पनि एमालेकी उम्मेदवार ईश्वरी बस्नेत विजयी भएकी छन् । उनले ९ हजार १ सय ६१ मत ल्याएर विजयी भएकी हुन् । उनको प्रतिस्पर्धी कांग्रेसकी यसोदा श्रेष्ठले ९ हजार ५४ मत ल्याएकी छन् ।

मन्थली नगरपालिकामा एमालेले मेयर–उपमेयर सहित ६ वटा वडा जीत हात पारेका छन् । एमालेबाट मन्थलीको २ नम्बर वडामा सुरेन्द्र बहादुर कार्की, ३ नम्बर वडामा कृष्ण गोपाल थापा, ८ नम्बर वडामा गोपाल श्रेष्ठ, ९ नम्बर वडामा गोकर्ण राज आरण, १३ नम्बर वडामा नवराज थापामगर, १४ नम्बर वडामा मोतिलाल तामाङले जीत हात पारेका छन् ।
त्यस्तै कांग्रेसबाट १ नम्बर वडामा होमप्रसाद पौडेल, ४ नम्बर वडामा राजन घिमिरे, ६ नम्बरमा अशोक कुमार तामाङ, ७ नम्बरमा भुवन हरि प्रसाईं, १० नम्बर वडामा गोपीलाल तामाङ, १२ नम्बर वडामा खिलेन्द्र बहादुर खत्री गरी ६ वटा वडामा विजय हासिल गरेका छन् ।

माओवादीको तर्फबाट एउटा वडामा मात्र विजयी भएका छन् । माओवादीले ११ नम्बर वडामा भिमबहादुर थापामगर विजय भएका छन् । भने नेकपा एकीकृत समाजवादीका रविन कुमार कार्कीले वडा नम्बर ५ मा विजयी हासिल गरेका छन् ।

रामेछापको मन्थली नगरपालिकामा एमालेको लव श्रेष्ठ विजयी

रामेछापको मन्थली नगरपालिकामा एमालेको लव श्रेष्ठ विजयी

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय