ओलीले मेयरको टिकट दिन्छु भनेपछि साहले छाडे लोसपा

ललितपुर । नेकपा एमालेका अध्यक्ष केपी शर्मा ओलीले मेयरको टिकेट दिने भनेपछि लोकतान्त्रिक समाजवादी पार्टी (लोसपा) जनकपुरधाम उपमहानगरपालिका वडा नम्बर ७ का अध्यक्ष जानकीराम साहले लोसपा छाडेर नेकपा एमालेमा प्रवेश गरेका छन्।

ओलीले आज बालकोटस्थित निवासमा साहलाई एमालेमा प्रवेश गराएका हुन्। ओलीले साहलाई जनकपुरधाम उपमहानगरपालिकामा पार्टीबाट मेयरको उम्मेदवार बनाउने प्रतिवद्धता जनाएका छन्।

साह जनकपुरधामको मेयर उठ्ने तयारीमा छन्। उनले केही समयअघि उपमहानगरका ५ ठाउँमा सम्पर्क कार्यालय नै खोलेका थिए। उनले मेयर उठ्ने घोषणा गरिसकेका छन्।

यसअघि जनकपुरधाम उपमहानगरमा एमालेले मेयरका लागि शिवशंकर साहको नाम सिफारिस गरेको थियो। तर उनलाई पछि हटाएर जानकीरामलाई मेयरको टिकट दिने तयारीमा एमाले रहेको स्रोतको दाबी छ।

जानकीराम लोसपाबाट मेयरको टिकट नपाउने भएपछि एमाले प्रवेश गरेका छन्। उनी लोसपामा शरतसिंह भण्डारीनिकट थिए।

ओलीले मेयरको टिकट दिन्छु भनेपछि साहले छाडे लोसपा

ओलीले मेयरको टिकट दिन्छु भनेपछि साहले छाडे लोसपा

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय