Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । कुनैपनि राजनीतिक दलको चुनावमा भाग लिने शिक्षक अब कारबाहीमा पर्ने भएका छन् । त्रिभुवन विश्वविद्यालय(त्रिवि)ले आफ्ना शिक्षक र कर्मचारीलाई राजनीतिक दलहरुको चुनावमा भाग लिए कारबाही गर्ने चेतावनी दिएको छ ।
त्रिविको कर्मचारी प्रकाशन महाशाखाले विश्वविद्यालयका कर्मचारी तथा शिक्षकहरू राजनीतिक दलका महाधिवेशन र विधान अधिवेशनमा भाग लिएको जानकारी आएको भन्दै विभागीय कारबाहीको चेतावनी दिएको हो ।
महाशाखाले विश्वविद्यालयको शिक्षक कर्मचारी सेवासम्बन्धी नियम २०५० को नियम ६७ मा राजनैतिक निर्वाचनमा उम्मेदवार व्यवस्था भएको स्मरण गराउँदै त्यसो गरेको पाइएमा कारबाही गर्ने चेतावनी दिएको हो ।
कुनै दलबाट उम्मेदवार बन्न चाहेमा मनोनयन दर्ताको दिनभन्दा १५ दिनअघि नै राजनीनामा दिइसकेको हुनुपर्ने नियममा व्यवस्था छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
