Apr 11 2025 | २०८१, चैत २९ गते
Apr 11 2025 | २०८१, चैत २९ गते
काठमाडौँ । डिसेम्बर २३ बाट प्रदर्शनमा आउने हिन्दी चलचित्र ‘८३’लाई भारतको राजधानी दिल्लीमा कर छुट दिइएको छ ।
चलचित्रका निर्देशक कवीर खानले आफ्नो फिल्मलाई दिल्ली सरकारले प्रदर्शन हुँदा कर छुट दिएको जानकारी आफ्नो इन्स्टाग्राममार्फत दिएका हुन् ।
चलचित्रमा रणवीर सिंहको मुख्य भूमिका रहेको छ । खानले इन्स्टाग्राममा फिल्मको पोस्टार राख्दै दिल्ली सरकारले आफ्नो फिल्मप्रति देखाएको प्रेमले थप दर्शक पाउन सहयोग हुने लेखेका छन् ।
सन् १९८३ को क्रिकेट विश्वकपमा भारतको राष्ट्रिय टोलीले पाएको जितमा आधारित रहेको यो फिल्ममा रणवीरसँगै दीपिका पादुकोण, जीवा, पंकज त्रिपाठीलगायत कलाकारको मुख्य अभिनय रहेको छ ।
फिल्ममा तत्कालीन भारतीय क्रिकेटका कप्तान कपिल देवको भूमिकामा रणवीर र उनकी श्रीमती रोमीको भूमिकामा दीपिकालाई देख्न पाइनेछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
