हुने बिरुवाको चिल्लो पात भने झै ४ वर्षको उमेरमा पिताजीसँग लाहुर जाँदा, राम्दीको कुराउनी (लाहुर पुराउनी गीत आफै गुनगुनाएर  काव्य  चेतना भएको प्रमाण दिनु भएको, त्यस्तो गीत न पहिले थियो, न पछि भयो, उहाँको अग्रज बताउँछन् ।

मुरारि सिग्देल

चेतन कार्की नेपाली साहित्य, चलचित्र र गीत सङ्गीतमा लामो योगदान दिने बहुआयामिक व्यक्तित्व हुनुहुन्छ । माता चन्द्रमाया कार्की र पिता जुध्दवीर  कार्कीका माहिला सुपुत्रको जन्म वि. सं. १९९५ कार्तिक २२ गते बहांटारी, थुम आरुखर्क, स्याङ्जामा भएको हो । उहाँको बाल्यकाल देहरादूनमा बितेको हुँदा प्रारम्भिक शिक्षा गोर्खा मिलिटरी स्कुलमा भएको हो । उहाँले डिएभी कलेज देहरादूनबाट बी. एस्सी जीव विज्ञानमा गर्नुभयो । डिएभीबाटै एम. ए. हिन्दी साहित्यमा गर्नुभयो । नेपाल आएर एफ. डि. ए. फिसरिज डेभलपमेन्ट एन्ड एड्मिनिस्ट्रेसन डिप्लोमा गर्नुभयो ।

श्रीमती गंगा कार्कीसँग वैवाहिक जीवनबाट दुई पुत्र पारश कार्की र पंकज कार्की जन्मिए । स्कुल  र कलेज जीवनमा खेलकूदमा भाग लिइ च्याम्पियनसिप हुनु भई बिजेता हुनु भएको छ । भारतका विभिन्न शहरमा आफ्नो खेलको प्रभाव छाड्नु भएको छ । चार वर्षसम्म लगातार क्याप्टेन बन्नु भयो । नेपालमा ठमेल र संकटा बीच फुटबल हुँदा ठमेलको तर्फबाट खेल्नु भएको थियो । यसैगरी प्रहरीको फुटबल म्याच पनि खेल्नु भएको छ ।

सानैमा गुरुको बोली र पाठ याद गर्न सक्ने मेधावी छात्रका रूपमा परिचित हुनुभयो । स्कुल र कलेजमा सधैं प्रथम हुनुहुन्थ्यो । केही वर्ष संस्कृत शिक्षाको प्रारम्भिक ज्ञान हासिल गरेकोले उहाँले पूर्वीय ज्ञान र दर्शनको गहिरो अध्ययन गर्नुभएको छ । भर्तिहरि, चाणक्य, कालीदासका श्लोक कण्ठ्स्थ गरि मीमांसा गर्ने गर्नुहुन्छ ।

हुने बिरुवाको चिल्लो पात भने झै ४ वर्षको उमेरमा पिताजीसँग लाहुर जाँदा, राम्दीको कुराउनी (लाहुर पुराउनी गीत आफै गुनगुनाएर  काव्य  चेतना भएको प्रमाण दिनु भएको, त्यस्तो गीत न पहिले थियो, न पछि भयो, उहाँको अग्रज बताउँछन् ।

नेपाली सुगम सङ्गीतको गीतकारमा अमिट छाप छाड्न सफल हुनुभयो । सङ्गीत महर्षी नातिकाजीसँग गरिएको पहिलो गीत बोलाउ भने लेख स्वर पुग्दैन, बोलाइ रन हुँदैन सङ्गीत दिएर खाता खोलिदिनु भयो । तारादेवी, मिरा राणा ,गोपाल योन्जन, दिब्य खालिगलगायत धेरै कलाकारहरूसँग सहकार्य गर्नुभएको छ । नारायणगोपालले गाउनु भएको ‘बुझ््नै सकिनौ आँखाको भाखा’, ‘मेरो र बैनीको दया छ भने’,  ‘रोदी घर दाइ नाच्यो नभन’ निकै लोकप्रिय भएको छ । ‘कान्छी हे कान्छी, मान्छे पुग्यो जूनमा, मायाप्रतिको चोखो कथा’ जस्ता कालजयी गीतहरू सिर्जना गर्नु भएको छ ।

फिल्म निर्देशन विश्वास, भुमरी, पहिलो प्रेममा गर्नु भएको छ । टेलिचलचित्र र डकुमेन्ट्रीहरू पनि बनाउनु भएको छ । सानैमा गीत  र साहित्यमा रुचि भएको हुँदा थुप्रै  रचना सिर्जना गर्नुभएको छ । आत्मा बेचेको छैन उपन्यास, हनिमून उपन्यास, ढलेको गिलास लघु उपन्यास, कल्पना टूट चुकी है हिन्दी, उर्दू कविता संग्रह, जून निदाउन थाल्यो, गीत कविता संग्रह, मायाप्रतिको चोखो कथा गीत संग्रह, हत्केलाले सधैंभरि सूर्य छेकिदैन मुक्तक, हो देश मेरो पनि गजल संग्रह, बसि बियाँलो कथा संग्रह, दिलजीगर के टुकडे उर्दू वयाज प्रकाशित छन् ।

sight,sound and pulse (सहलेखन) र नेपाली चलचित्रको इतिहास प्रकाशनको प्रतीक्षामा थियो ।उहाँको दशवटा जति मंचन भएको थियो। लामो समयदेखि नेपाल प्रहरीका  लागि र  नेपाल आर्मी ,सेन्ट जेभियर्स स्कुल ,सेन्ट मेरिज स्कुलका लागि  गीति नाटक लेखेर मंचन गराउनु भएको थियो ।उहाँले विभिन्न पत्रपत्रिकालाई थुप्रै लेख रचना, गीत, गजल, मुक्तक, हाइकु, कविता र कथा प्रकाशित गराउनु भएको छ । गोर्खा छात्र संघको बिहान र दुन समाज नेपालको पत्रिका सम्पादन गर्नु भएको छ । रेडियो नेपाल र विभिन्न  टिभि वार्ता प्रसारण भएको छ ।

वि. सं. २०१७ देखि रंगमञ्च र वि. सं. २०२५ देखि नेपाली चलचित्रमा लेखन, निर्देशन, निर्माण नियन्त्रक र प्राविधिक सल्लाहकारका रूपमा संलग्न हुँदै आउनु भएको छ । नेपाली चेलीहरूको चाड तीजको गीत तीजको रहर आयो बरिलैले बिशेष महत्त्व राख्दै आएको छ । दशवटा गीति नाटक मन्चन भैसकेको छ । शैक्षिक साहित्यिक र सांस्कृतिक संस्थामा सल्लाहकारका रूपमा आवद्ध हुनुहुन्छ । स्रष्टा कार्कीले उज्बेकिस्थान, अजरबैजान, रुस, अमेरिका, थाइल्यान्ड, हङ्गकङ्ग, जापान, पाकिस्तान र भारतको विभिन्न शहर भ्रमण गर्नुभएको छ ।

महेन्द्र चलचित्र साधना सम्मान पुरस्कार, मधुरिमा सम्मान, गोरखा दक्षिण बाहु, रेयुकाई नेपाल, शुभराज्याभिषेक पदक २०३१, गद्दी आरोहण रजत जयन्ती पदक २०५२, नेपाली चलचित्र कलाकार संघ सम्मान, छिन्नलता गीत पुरस्कारबाट सम्मानित हुनु भएको छ । नागरिकस्तरमा शुभारम्भ म्युजिकलजर्निको आयोजनमा ३ लाख नगदसहित एकै दिन १८ वटा संस्थाले उहाँ उचाई बराबरको ताम्रपत्र प्रदान गरि सम्मान अभिनन्दन गरेका छन् । उहाँ भीम विराग साहित्य सङ्गीत कला प्रतिष्ठानबाट प्रदान गरेको एघारौं बिजुलीमाया वनः श्रेष्ठ पुरस्कारबाट सम्मानित भइसक्नु भएको छ ।