
Apr 04 2025 | २०८१, चैत २२ गते
ललितपुर । ’रातो मच्छिन्द्रनाथ’ जात्राको लागि रथारोहण भइसकेको छ । रथलाई जेठ २ गते तानिने सर्वसम्मत निर्णय भइसकेको छ । रथारोहण अघि जिल्ला प्रशासन कार्यालयका सहायक प्रमुख जिल्ला अधिकारी ललित बस्नेतको संयोजकत्वमा बसेको बैठकले सुरक्षा सतर्कता मुख्य प्राथमिकतामा राख्न आग्रह समेत गरेको थियो । रातो मच्छिन्द्रनाथ जात्राको बारेमा छलफल गर्न ललितपुरका विभिन्न समाजहरु एकै ठाउँमा बैठक बसे ।
‘स्वास्थ्य प्रोटोकललाई अक्षरंश पालना गर्न भनेका छौं ।’ नि.प्रजिअ बस्नेतले भने, ‘पोहोर सालजस्तै सोहखुट्टे पाटीसम्म तान्न सहमति भएको छ ।’ यता ललितपुर महानगरपालिकाका मेयर चिरीबाबु महर्जनले कोरोनाको जोखिमकै बीच स्वास्थ्य सुरक्षाका मापदण्ड अपनाएर रथ जात्रा गर्न लागिएको बताइसकेका छन् ।
यता फेरि गत साल रथयात्रामा भएको झडपको नजिर लिएर यो पटकको सुरक्षा संयन्त्र कसरी मजबुत बनाउने भन्ने विषयमा ललितपुर प्रहरी परिसरले गम्भीर छलफल गरिरहेको छ । यसैबीच, कोरोना संक्रमणले आइसोलेसन बसेका ललितपुरका प्रमुख जिल्ला अधिकारी ढुण्डिराज निरौला स्वास्थ्य लाभ गरिरहेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij