चोरिएको मूर्ति ४० वर्षपछि अमेरिकाद्वारा फिर्ता

ललितपुर। ललितपुरको पाटनबाट झन्डै ४० वर्षअघि चोरिएको लक्ष्मीनारायण भनिने वसुदेव–कमलाजाको मूर्ति अमेरिकी सरकारले नेपाललाई फिर्ता गरेको छ । सन् १९८४ मा नेपालबाट चोरेर अवैधरुपमा अमेरिका पुर्‍याइएको मूर्ति अमेरिकाका संघीय जाँच आयोग ‘एफबीआई’ उपसहायक निर्देशक टिमोथी एन।ड्युनह्यामले नेपालका राजदूत डाक्टर युवराज खतिवडालाई फिर्ता गरेका हुन् । अमेरिकास्थित नेपाली दूतावासमै आयोजित एक विशेष समारोहबीच मूर्ति हस्तान्तरण गरिएको हो । मूर्तिलाई अब युनेस्कोको महासन्धि लगायतका आवश्यक प्रावधान तथा अन्य उचित प्रक्रिया पूरा गरी नेपाल ल्याइने दूतावासले जनाएको छ । दूतावासका अनुसार सो मूर्ति पाटनस्थित एक मन्दिरको ऐतिहासिक मूर्ति हो । सो मूर्ति ड्यालस म्युजियम अफ आर्ट्स टेक्सासमा सन् १९९० देखि प्रदर्शनमा राखिएको थियो ।

३३ दशमलब ५ इन्च उचाई र १९ दशमलब २५ इन्च चौडाई रहेको वसुदेव–कमलजाको मूर्तिमा विष्णु र देवी लक्ष्मीलाई प्रतीकात्मकरुपमा देखाइएको सो मूर्तिलाई सन् १९८४ मा ललितपुरको नारायण मन्दिरबाट चोरी गरी अवैधरुपमा अमेरिका पुर्‍याइएको थियो

चोरिएको मूर्ति ४० वर्षपछि अमेरिकाद्वारा फिर्ता

चोरिएको मूर्ति ४० वर्षपछि अमेरिकाद्वारा फिर्ता

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय