Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको बन्दीप्रत्यक्षीकरणको निवेदनमा आज सोमबार सुनुवाइ हुँदैछ ।
गैरकानुनीरूपमा थुनामा राखिएको भन्दै तत्काल रिहाइ गर्न माग गर्दै आइतबार सर्वोच्च अदालतमा दायर भएको बन्दीप्रत्यक्षीकरण रिटमा आज सुनुवाइ हुने भएको हो ।
गत भदौ २३ र २४ गतेको जेनजी आन्दोलनको घटनामा अनुसन्धानका लागि उनीहरूलाई शनिबार पक्राउ गरिएको थियो । पक्राउपछि पूर्वप्रधानमन्त्री ओलीका तर्फबाट राधिका शाक्य र कांग्रेस नेता तथा पूर्वगृहमन्त्री लेखकका तर्फबाट यशोदा लेखकले आइतबार बन्दीप्रत्यक्षीकरणको निवेदन दर्ता गराएका थिए । घटना जाँचबुझ आयोगले उनीहरूविरुद्ध मुद्दा चलाउन सिफारिस गरेको थियो ।
आइतबार जिल्ला अदालतले उनीहरू दुवै जनालाई अनुसन्धानका लागि पाँच दिन हिरासतमा राख्न म्याद दिइसकेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
