Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौं । राष्ट्रिय महिला लिग फुटबलमा स्याङ्गजाको वालिङ नगरपालिकाले जित हात पारेको छ । सातदोबाटोस्थित एन्फा कम्प्लेक्समा मंगलवार भएको खेलमा वालिङले चन्द्रपुरलाई ३-० गोल अन्तरले पराजित गरेको हो ।
वालिङको जितमा मेथो रुथले दुई गोल गरिन् । यस्तै टोउटा ओर्नेलाले एक गोल गरिन् । खेलको ३७ औं मिनेटमा क्यामरुनी खेलाडी ओर्नेलाले गोल गर्दै वालिङलाई अग्रता दिलाएकी थिइन् ।
खेलको ४५ औं मिनेटमा क्यामरुनकै रुथले गोलमा वालिङको अग्रता २-० ले अघि बढ्यो । त्यसपछि खेलको ५४ औं मिनेटमा रुथले व्यक्तिगत दोस्रो गोल गर्दै वालिङलाई ३-० को सहज जित दिलाईन् ।
जितसँगै वालिङले ६ खेलमा ८ अंक जोडेको छ । वालिङ तेस्रो स्थानमा उक्लिएको छ ।
चन्द्रपुरले ६ खेलमा ३ अंक जोडेको छ । चन्द्रपुरको यो पाँचौ हार हो । चन्द्रपुर लिगको छैटौं स्थानमा रहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
