Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
अहिले सम्म १७४० मत खस्यो ।
काठमाडौं । बिहान ९ बजेबाट सुरु भएको मध्यपश्चिम विश्वविद्यालयको स्ववियु निर्वाचनको मतदान जारी छ । दिउँसो पौने २ बजेसम्म १७४० मत खसेको सहायक निर्वाचन अधिकृत जगत ढकालले जानकारी दिए ।
४ हजार ३ सय ८३ मतदाता संख्या रहेको विश्वविद्यालयमा साँझ ५ बजेसम्म मतदान हुनेछ ।
निर्वाचनका लागि ९ वटा विद्यार्थी सङ्घ/संगठन दर्ता भएका छन् । एमाले निकट विद्यार्थी संगठन (अनेरास्ववियू) बाट जगतजंग शाही, माओवादी निकट अखिल (क्रान्तिकारी)बाट अध्यक्ष प्रकाश विक, कांग्रेस निकट नेविसंघबाट विवेक खड्का अध्यक्ष पदको उम्मेदवार छन् । यस्तै स्वतन्त्रबाट मिलन विसी उम्मेदवार छन् भने विप्लव निकट विद्यार्थी संगठनबाट चिनबहादुर सहकारी अध्यक्षका उम्मेदवार छन् ।
यस्तै विकल्प ओली राष्ट्रिय प्रजातान्त्रिक विद्यार्थी संगठन, अखिल नेपाल राष्ट्रिय स्वतन्त्र विद्यार्थी युनियन (छैटौँ) बाट लेलिन रेग्मी, नेपाल क्रान्तिकारी विद्यार्थी संघबाट अस्मिता सुनार अध्यक्षका उम्मेदवार रहेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
