काठमाडौं । काभ्रेको नमोबुद्धमा पर्यटक सूचना केन्द्र स्थापना गरिएको छ ।
नमोबुद्ध स्तूप नजिकै ३२ आना क्षेत्रफलमा हलुका स्टिलको संरचना भएको भवन निर्माण गरी सूचना केन्द्र स्थापना गरिएको हो । केन्द्रमा एयर कन्डिसन, फर्निचर, इनभर्टर प्रणाली, कम्प्युटर, प्रिन्टर र शौचालयको सुविधा छ ।
केन्द्रमा पर्यटकहरूका लागि प्रचार सामग्री, सूचना पुस्तिका तथा खेल सामग्री उपलब्ध छन् ।
सूचना केन्द्र सञ्चालन गर्नका लागि कोरिया अन्तर्राष्ट्रिय सहयोग नियोग (कोइका) ले करिब १९ हजार ९१६ अमेरिकी डलर लगानी गरेको जनाइएको छ ।
सूचना केन्द्र स्थापना गर्का लागि नगरपालिकाले जग्गा र प्राविधिक सहयोग उपलब्ध गराएको छ ।
