Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
काठमाडौं । दक्षिण भारतीय फिल्म अभिनेत्री रान्या रावलाई सुन तस्करीको आरोपमा पक्राउ गरिएको छ । यी अभिनेत्री प्रहरी महानिर्देशक (डीजीपी) रामचन्द्र रावकी छोरी हुन् । राजस्व गुप्तचर निर्देशनालय (डीआरआइ) का अधिकारीहरूले सोमबार राति केम्पेगौडा अन्तर्राष्ट्रिय विमानस्थलबाट सुन तस्करी गरेको आरोपमा उनलाई पक्राउ गरेका हुन् ।
अभिनेत्रीमाथि १४.८ किलो सुन राखेको आरोप लागेको थियो । उनलाई मंगलबार साँझ न्यायाधीश समक्ष पेश गरिएको थियो, त्यसपछि अभिनेत्रीलाई १४ दिनको न्यायिक हिरासतमा पठाइएको थियो । यो आदेश आर्थिक अपराध सम्बन्धी विशेष अदालतका न्यायाधीशले जारी गरेका हुन् ।
न्यायिक हिरासतमा लिनुअघि अभिनेत्रीको बोरिङ अस्पतालमा स्वास्थ्य परीक्षण गरिएको थियो। अधिकारीहरूका अनुसार रान्याले आफू व्यापारको लागि दुबई जाँदै गरेको दाबी गरेकी थिइन् ।
डीआरआईले उनी पछिल्लो १५ दिनमा चार पटक दुबई गएको पत्ता लगाएपछि एजेन्सीले उनको गतिविधिको निगरानी गर्न थाल्यो । यस गुप्तचर सूचनाको आधारमा डीआरआईका अधिकारीहरू मार्च ३ मा रान्या आइपुग्नुभन्दा दुई घण्टा अगाडि विमानस्थल पुगे ।
उनी दुबईबाट एमिरेट्सको उडानबाट आइपुगेकी थिइन् र सोमबार साँझ ७ बजेतिर बेंगलुरु विमानस्थलमा उनलाई पक्राउ गरिएको थियो ।
अभिनेत्री रान्या रावले प्रसिद्ध अभिनेता सुदीपसँग फिल्म ‘माणिक्य’ (२०१४) मा काम गरेकी छिन् । रान्याको बारेमा यो खबरले फिल्म उद्योगमा पनि हंगामा मच्चाएको छ । यो विषय दक्षिण फिल्म उद्योगमा पनि तीव्र रूपमा छलफल भइरहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
