Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । कन्नड फिल्मका चर्चित अभिनेता दर्शनलाई उनका एक फ्यानको हत्या गरेको अभियोगमा जुलाई ४ सम्म न्यायिक हिरासतमा पठाइएको छ ।
समाचार एजेन्सी पीटीआईका अनुसार, “कन्नड फिल्म अभिनेता दर्शनलाई बेंगलुरुको एक अदालतले रेणुकास्वामी हत्या प्रकरणमा जुलाई ४ सम्म न्यायिक हिरासतमा पठाएको छ।”
रेणुकास्वामी हत्याको आरोपमा प्रहरीले पक्राउ गरेका १७ जनामध्ये दर्शन पनि परेका छन् । रेणुकास्वामी अभिनेता दर्शनका फ्यान थिए र उनको शव नालीबाट बरामद भएको थियो ।
यस हप्ताको सुरुमा बेंगलुरु शहरका पुलिस कमिश्नर बी दयानन्दले एक बयान दिएका थिए । उनले भनेका थिए – रेणुकास्वामीको हत्या अत्यन्त क्रूर र बर्बर तरिकाले गरिएको थियो ।
प्रहरी आयुक्तले स्वामीको हत्यालाई जघन्य अपराध भनेका थिए । प्रहरीका अनुसार ४७ वर्षीय फिल्म अभिनेता दर्शन एक फार्मा कम्पनीमा काम गर्ने रेणुकास्वामीसँग रिसाए किनभने स्वामीले कन्नड अभिनेत्री पवित्रा गौडालाई सामाजिक सञ्जालमा अश्लील सन्देश पठाएका थिए ।
भारतीय मिडियामा चलिरहेको समाचारमा पवित्रालाई दर्शनकी प्रेमिकाको रुपमा व्याख्या गरिएको छ । हत्याको आरोपमा प्रहरीले पवित्रालाई पनि नियन्त्रणमा लिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
