Apr 27 2025 | २०८२, वैशाख १४ गते
Apr 27 2025 | २०८२, वैशाख १४ गते
काठमाडौँ । कतार विमानस्थलबाट अर्काले पठाएको ७० ग्राम सुन र आइफोन पचाउन एक जनाले अपहरणको नाटक गरेका छन् । अपहरणको नाटक गरेको आरोपमा उपत्यका अपराध अनुसन्धान कार्यालयले इलामको लक्ष्मीपुर–८ घर भएका ३९ वर्षीय सूर्यबहादुर समाल मगरलाई पक्राउ गरेको छ ।
बुधवार गोदावरीस्थित सेन्ट जेभियर्स स्कुल नजिकै हातखुट्टा बाँधेको अवस्थामा फेला परेका मगरले अपहरणको नाटक गरेको उपत्यका अपराध अनुसन्धान कार्यालयका एसपी रवीन्द्र रेग्मीले बताए ।
बिहान पौने ५ बजेतिर बाहिरी कपडा नभएको र हातखुट्टा बाँधेको अवस्थामा उनलाई देखेर स्थानीयले खबर गरेपछि प्रहरीले घटनाबारे अनुसन्धान गरेको हो ।
मगरले सुन लिएर आएको सुराक पाएपछि त्यसबारे अनुसन्धान गर्दा उनले अपहरणको नाटक गरेको खुलेको अनुसन्धानमा संलग्न एक जना अधिकृतले बताए । उनी आठ महिना कतार बसेर नेपाल फर्केका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
