Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । तीन दिने नेपाल भ्रमणका क्रममा विश्व ट्रायथलन महासंघकी अध्यक्ष मारिसोल कासाडो बिहीबार काठमाडौँ आइपुगेकी छन् । नेपालमा पछिल्लो समय ट्रायथलन खेलमा भएको प्रगतिबाट प्रभावित कासाडो सद्भावना भ्रमणका लागि नेपाल आएकी हुन् । यसक्रममा उनी पोखरा पनि जानेछिन् ।
पोखरामा शनिबार एसियनकप एन्ड साउथ एसियन ट्रायथलन च्याम्पिनयसप–२०२४ आयोजना हुँदैछ । प्रतियोगितामा १५ देशका ६५ जनाभन्दा बढी खेलाडीको सहभागिता रहने बताइएको छ ।
यो प्रतियोगिता विश्व ट्रायथलनबाट मान्यता प्राप्त र आधिकारिक प्रतियोगिता हो । नेपालले सन् २०१५ देखि साउथ एसियन ट्रायथलन र सन् २०१९ देखि एसिया ट्रायथलन कपको आयोजना गर्दै आएको छ । विश्व ट्रायथलनका महासचिव आन्टोनियो अरमानी पनि नेपाल आउने कार्यक्रम रहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
